ئەمڕۆ چوارشەم 21ی ئایار، مەسروور بارزانی سەرۆکی حکوومەتی هەرێمی کوردستان، لە واشنتن لەگەڵ سێس مۆڵتن و براد شێرمان ئەندامانی کۆنگرێس کۆبووەوە.
بەپێی راگەیەنراوی حكوومەتی هەرێم، لە کۆبوونەوەکەدا بیروڕا لەبارەی برەودان بە پێوەندییەكانی هەرێمی کوردستان و ئەمەریکا و دۆخی گشتیی عێراق و ناوچەکە ئاڵوگۆڕ کرا.
زیاتر هاتووە، هەردوولا دووپاتییان لە بەردەوامبوونی پشتگیریکردنی هەرێمی کوردستان و هێزی پێشمەرگەدا کردەوە.
چاکسازییەکانی حکوومەتی هەرێمی کوردستان لە وەزارەتی پێشمەرگە و کەرتە جۆراوجۆرەکاندا و گۆڕانکارییەکانی سووریا ، چەند تەوەرێکی تری کۆبوونەوەکە بوو.