دوهی وەزارەتا دارایی یا عیراقێ ب ئیمزا تەیف سامی، د نڤیسارەکێ دا بەحس ل وێ یەکێ کر کو پارێ پێدڤی بۆ مووچەخورێن هەرێمێ بۆ هەموو سالا 2025ێ هنارتیە و ئێدی مووچە داوی هاتن، ئەڤە ددەمەکێ دایە کو هێشتا هەشت مووچە ل سالا 2025ێ نەهاتینە دابەشکرن، شارەزایەکێ ئابووری ژی ڤێ یەکێ شروڤە دکەت.
جەگەر رێکانی، شارەزایەکی ئابووری یە ل دهۆکێ دیارکر کو ئەوا دارایی یا عیراقێ ئەنجامدایی بۆ پشکا تەشغیلی و وبەرهێنانێ راستە، بەلێ بۆ پشکا مووچەیی راست نیە و گۆت، ژ روویێ هەژمارکرنێ ڤە، مووچە بخۆ، خەرجیێن راستینە، نەک دهێنە خەرجکرن، ژ چارچوڤەیێ خەرجیێن راستی، پشکا دی یا هەرێمێ دروستە بهێتە خەرجکرن ژ قەبارەیێ خەرجییێن راستی ب رێژەیا 12.67%، دڤان سێ ساڵان دا، دارایی یا عیراقێ ب تنێ پشکا مووچەیان هنارتیە، نەک پشکا گشتی یا هەرێمێ ژ بوجەیا گشتی، هوسا نابیت پشکا هەموو ساڵان پێکڤە بهێتە کومکرن و هەژمارکرن.
زێدەترگوت، ساڵا دارییا ژ 1\1 دەستپێدکەت و 31\12 ب دوماهی دهێت، دڤان سێ ساڵان دا، هیچ جارەکێ عیراقێ قەر نەداینە هەرێما کورستانێ، کو بۆ ساڵا لدیڤ دا، پاڤژکرنا هەژماران بکەن، گریمان هەرێما کوردستانێ ڤان سێ ساڵان دا، داهاتێ نەفتی هەبویە، و رادەستی بەغدا نەکریە، دڤێت ساڵ سالە ئەڤ داهاتە هەژمار کربایە و ژ پشکا هەرێمێ بری بایە، چونکی بها و برەیا نەفتێ ساڵ بۆ ساڵ دهێتە گوهرین، نابیت ساڵەک تێر پارە بیت، وساڵەک هشک پارە بیت.
شارەزایێ ئابووری دیارکر ژی کو هەموو بریارێن دارایی ل ڕۆژا دەرچونا بریارێ جێبەجێدبن، وهندەکا ئەسەر ئەلرەجعی هەنە، ل بەرژەوەندیێ دا نەک سزادانێ دا و گۆتژی، بۆچی هەڤتاکرنا خانەنشیان بۆ سالێن چوی نەهاتنە هەژمارکرن؟، دادگەها فیدرال ئەو چەندە ئێکلاکریە، کۆ نابیت مووچە تێگەلی بابەتێن سیاسی و کێشەیێن داراییێن هەردوو حکومەتان بن، لەوا ب دیتنا من ئەڤا عیراق دکەت پتر سیاسی یە ژ ئابووری.
بریارە حکومەتا هەرێما کوردستانێ ب رێیا وەزارەتا دارایی بەرسڤا وەزارەتا دارایی یا عیراقێ بدەت.