ئەڤرۆ ب پشکداریا سەدان کەسانێن بسپۆر و تایبەتمەند و بەرپرسێن دەڤەرێ، کونفرانسەکا تایبەت بەر ب گرینگیدان و کەسک کرنا باژێرێ زاخۆ ل زاخۆ ب رێڤەچو.
گوهدار شێخۆ سەرپەرشتێ ئیدارا سەربەخۆ یا زاخۆ، ل زانکۆ یا زاخۆ د کۆنفرانسێ پێنگاڤەک بەر ب باژێرەکێ کەسک دا کر و گۆت، ل سەر ڕاسپاردەیێن مەسروور بارزانی سەرۆکێ حکومەتا هەرێما کوردستانێ، کاروانێ ئاڤەدانیێ ب سێکتەرێن جودا ڤە ل زاخۆ بەردەوامە و روژ بۆ روژێ پروژەیێن نوێ دهێنە چێکرن و دکەڤنە د خزمەتا وەلاتیان دا.
زێدەتر گوت، خوش بەختانە ل زاخۆ، پرۆژە و پێنگاڤێن هەری باش ، کەسکرنا باژێری و پاقژیێ دهێنە چێکرن، ئەڤە ژی ڤەدگەرت بۆ هاریکاری و هەڤکارییا خەلکێ هێژایێ زاخۆ، کو خۆ ب دلسۆز و خودان دزانن لڤی باژێری و دێ زێدەتر ژی دڤی بیاڤی دا گرنگی ب زاخۆ هێتەدان.
نوکە پرۆژێ کورنیشێ زاخۆ ل قوناغا سێ دهێتە چێکرن، ئەڤ پرۆژە کو ل سەردەمێ کابینا نەهێ هاتیە چێکرن و کەرتێ گەشتیاری ڤەوژاندیە و جوانەکا زر ژی دایە زاخۆ.
زاحۆ، نەوزاد هلۆری: