ئەمڕۆ پێنجشەم نۆی تشرینی یەكەمی 2025، مەسروور بارزانی سەرۆكی حكوومەتی هەرێمی كوردستان، پێشوازیی لە ڕێككەوتنی ئاگربەست لە كەرتی غەزە كرد و بە "هەنگاوێكی گرنگی سەرەتایی" بۆ كەمكردنەوەی گرژییەكان لە ناوچەكەی وەسف كرد.
سەرۆكی حكوومەت لە پەیامێكدا لەسەر هەژماری خۆی لە تۆڕی كۆمەڵایەتیی ئێكس نووسیویەتی، پێشوازی لە ڕێككەوتنی ئاگربەست لە غەزە دەكەین، كە هەنگاوێكی گرنگی سەرەتاییە بەرەو كەمكردنەوەی گرژییەكان لە ناوچەكە.
هەروەها هیواشی خواستووە كە ئەم هەنگاوە "ڕێگە بۆ سەقامگیریی درێژخایەن لە ڕۆژهەڵاتی ناوەڕاست خۆش بكات."