پارتی دیموكراتی كوردستان بە ئامادەبوونی د. شاخەوان عەبدوڵا، سەرۆكی لیستی پارتی لە كەركووك، لە خانەقین دەستی بە بانگەشە كرد.
نازك ئەحمەد، كاندیدی پارتی دیموكراتی كوردستان لە خانەقین بە "وشە"ی راگەیاند، لەماوەی رابردوودا نەیارانی پارتی لە خانەقین وایان پێشان دەدا كە پارتی لەو سنوورە جەماوەری نییە، بەڵام بەو ئاهەنگە دەركەوت كە پارتی لێرەش یەكەمە.
هەروەها ئاماژەی بۆ ئەوە كرد، پارتی بێ جیاوازی كار بۆ ناوچەكانی كوردستان دەكات، بۆیە پێویستە خەڵكی سنوورەكە متمانە بدەن بەو حزبە تا وەك ناوچەكانی تر خزمەتیان بكرێت.
نازك ئەحمەد، مامۆستای زانكۆیە و بە ژمارە هەشت كاندیدی لیستى پارتی دیموكراتی كوردستانە لە چوارچێوەی هاوپەیمانیی عەزم.