نێچیرڤان بارزانی، سەرۆکی هەرێمی کوردستان، لە پەیامێکدا پیرۆزبایی لە خەڵکی سلێمانی دەکات بەبۆنەی 241ەمین ساڵوەگەڕی دامەزراندنی شارەکەوە و ڕای دەگەیەنێت کە سلێمانی هەمیشە مایەی پێزانین و شانازیی گەلی کوردستانە.
لە پەیامەکەیدا، سەرۆکی هەرێم سلێمانیی بە "شاری هەڵمەت و قوربانی"، "پایتەختی ڕۆشنبیری" و "مەڵبەندی ئەدەب و هونەر" وەسف کردووە.
نێچیرڤان بارزانی دووپاتی کردووەتەوە، سلێمانی ناوێکی دیاری مێژووی کولتووری و سیاسیی ئێمەیە. هەمیشە کاریگەر و مایەی پێزانین و شانازیی گەلی کوردستانە.
لە کۆتایی پەیامەکەیدا، هیوای بەردەوامیی پێشکەوتن، گەشەسەندن، ئاوەدانی و ئارامیی بۆ سلێمانی و هەموو کوردستان خواستووە.