لە چوارچێوەی یەكخستنەوەی هێزەكانی پێشمەرگە، هێزەكانی 80 و 70 دەكرێنە دوو فەرماندەی سەربە وەزارەتی پێشمەرگە و لە دوای ڕێكخستنیان لە چوارچێوەی پەیكەری وەزارەتی پێشمەرگە، سوودمەند دەبن لە وەرگرتنی هاوكارییەكانی هاوپەیمانان".
بەگوێرەی زانیارییەكانی "وشە" هێزەكانی یەكەی 80 مامەڵەی گواستنەوەیان وەك فەرماندەییەك بەناوی "دەڤەر" تەواو بووە و خراونەتە سەر وەزارەتی پێشمەرگە، بەمزووانەش هێزەكانی یەكەی 70 وەك فەرماندەییەك دەخرێنە سەر وەزارەتی پێشمەرگە.
سەرچاوەیەكی وەزارەتی پێشمەرگە وردەكاریی گۆڕانكاریی پەیكەری وەزارەتەكەی بۆ "وشە" ئاشكرا كرد و گوتی، "وەزارەتی پێشمەرگە پەیكەری وەزارەتەكە نوێ دەكاتەوە، پەیكەرەكە لە سەرۆكایەتیی ئەركان شۆڕ دەبێتەوە بۆ دوو دەڤەری سەركردایەتیی سەربازیی یەك و دوو.
باسی لەوەش كرد، هەر سەركردایەتییەكیش پێنج فیرقەی دەبێت و هەر فیرقەیەكیش لە چەند لیوایەك پێكدێت و سەرجەمیشیان دەچێنە ژێر كۆنترۆڵی وەزارەتی پێشمەرگەوە".
باسی لەوەش كرد، ئەم كارانەش بەهاوكاری و هاوئاهەنگی هاوپەیمانان كراوە و ئەوان یارمەتیدەرن بۆ یەكخستنەوە و رێكخستنی پێشمەرگە.
دووپاتیشی كردەوە، "دوای یەكخستنی ئەو هێزانە لە چوارچێوەی ئەو فیرقانەدا، پێشمەرگە لە هەرێمی كوردستان یەك سەروەری و كۆنترۆڵی دەبێت، ئەویش وەزارەتی پێشمەرگەیە.