نێچیرڤان بارزانی سەرۆكی هەرێمی كوردستان، لەگەڵ دكتۆر ئەیاد عەلاوی، سەرۆكی بزووتنەوەی ویفاقی نیشتمانیی عێراقی و شاندێكی یاوەری، كۆبووەوە.
بە گوێرەی راگەیەنراوی سەرۆكایەتی هەرێمی كوردستان، لە كۆبوونەوەكەدا دۆخی سیاسیی عێراق و هەرێمی كوردستان و ئەنجامی هەڵبژاردنی ئەنجوومەنی نوێنەرانی عێراقیان تاوتوێ كرد.
هەروەها دەربارەی گفتوگۆی لایەنە سیاسییەكان و هەنگاوەكان بۆ دامەزراندنی حكوومەتی داهاتووی فیدراڵ لە عێراق، بیروڕایان گۆڕییەوە.