لە سنووری سلێمانی و بەدیاریكراوی لە بازگەی بانی مەقان، هێزەكانی ئاسایش و كۆماندۆ رووبەڕووی یەكتر بوونەوە، بەهۆی ئەو شەڕەوە سەتان ئۆتۆمبێل لە بازگەكە گیر بوونە.
ئەمڕۆ شەموو شەشی تشرینی یەكەم، لە بازگەی بانی مەقانی نزیك چەمچەماڵ، هێزەكانی ئاسایش و كۆماندۆ ڕووبەڕووی یەكتر بوونەتەوە، ئێستە هێزێكی زۆر بڵاوەیان پێ كراوە، لە هەمان كاتدا هاووڵاتییەكەی زۆر لە بازگەكە گیر بوونە.
ئەوەش زانراوە، بەهۆی ئەو رووبەڕووبوونەوەیە بازگەكە داخراوە و تا ئێستە لایەنی پێوەندیدار هیچ روونكردنەوەیەكیان نەداوە، ناشزانرێت رووداوەكە كەسی بووە یان مەفەرزەیەك بووە.
دۆخی ئێستەی بازگەی بانی مەقانی نزیك چەمچەماڵ، بەهۆی شەڕ و ڕووبەڕووبوونەوەی هێزەكانی ئاسایش و كۆماندۆی یەكێتی نەكراوەتەوە و بازگەكە داخراوە و قەرەباڵغییەكی زۆر دروست بووە.
ئەوە لە كاتێكدایە پێشتر لە چەند بازگەیەكی یەكێتی رووبەڕووبوونەوە هەبووە و قوربانیی لێ كەوتووەتەوە.