ب پشتەڤانیا سەروکێ حکوومەتا هەرێما کوردستانێ، هەموو کەرت ل زاخۆ د پێشڤەچونێ دانە، ئەڤرۆ ژی نەخوشخانەیەکا نوێ بۆ کومەلگەها دەشتمڕێ ل زاخۆ هاتە دروستکرن و هاتە ڤەکرن.
گوهدار شێخۆ، سەرپەرشتێ ئیدارا سەربەخۆ یا زاخۆ دیارکر کو نەخوشخانا زاخۆ یا تایبەت کو ژ کەرتێن تایبەت وەبەرهێنانێ یە ل دەشتمرێ هاتە ڤەکرن و گوت، ب پشتەڤانییا مەسرور بارزانی، سەرۆکێ حکومەتا هەرێما کوردستانێ، هەموو کەرت ل زاخۆ د پێشڤەبرن و گەشەکرنێ دانە و مە گرنگییەکا تایبەت و مەزن دایە کەرتێ ساخلەمیێ ل دەڤەرێ.
زێدەتر گوت، سوپاسیا هەموو وەبەرهێنەرێن دەڤەرێ دکەین بۆ وێ جورئەت و باوەرییا لدەف وان پەیدابووی ژ بۆ پێشئێخستنا کەرتێ تایبەت و کارکرن د بیاڤێن خزمەتکرنێن جودا جودا ، سوپاس بۆ وەبەرهێنەرێ نەخوەشخانا زاخۆ یا تایبەت کو شیایین کارەکی جوان و ڕێکوپێک ئەنجام بدەن و دخوازا ساخی و سلامەتیێ بۆ هەمو کەسێ دخوازین.
دەشتمڕێ دکەڤیتە نێریک زاخۆ، رێژەیەکا زور یا خەلکی دێ مفای ژ خزمەتگۆزاریێن نەخوشخانا ناڤبری وەرگرن.