سوپای ئیسرائیل لە بەرەبەیانی ئەمڕۆ دەستی كرد بە هێرشێكی نوێ بۆسەر ئێران و تارانی پایتەختی ئەو وڵاتە دەكاتە ئامانج.
ئەمڕۆ هەینی سوپای ئیسرائیل لە ڕاگەیەندراوێكدا بڵاوی كردەوە، دەستیان بە شەپۆلێكی بەرفراوانی هێرشەكانیان كردووە بۆسەر دامەزراوە و ژێرخانی سەربازیی ئێران.
سوپای ئیسرائیل لەو هێرشانەیدا ناوەندەكانی پۆلیس و سوپای پاسدارانی كردووەتە ئامانج.
هاوكات میدیای ئێران بڵاوی كردەوە، لەگەڵ بانگی بەیانی، دەنگی چەند تەقینەوەیەكی گەورە لە بەشی ڕۆژهەڵات و ڕۆژئاوای تارانی پایتەخت بیستراون.
ئەوە لە كاتێكە ماوەی هەشت رۆژە شەڕ دەستی پێ كردووە، ئێران ئاسمانی وڵاتەكەی بە تەواوەتی لە دەستداوە.