مەسروور بارزانی سەرۆك وەزیرانی كوردستان لەبارەی رووداوە هاتوچۆیەكەی كەركووك پەیامێكی بڵاو كردەوە.
دەقی پەیامەكەی مەسروور بارزانی:
بە داخەوە ئەمڕۆ لە ڕووداوێكی دڵتەزێنی هاتووچۆدا لە شاری كەركووك، چەندین هاووڵاتی گیانیان لە دەستدا و بریندار بوون . پرسە و سەرەخۆشی قووڵی خۆمان ئاراستەی كەسوكاری قوربانییان دەكەین و هاوخەمیانین و هیوای زوو چاكبوونەوەش بۆ برینداران دەخوازین.
وەزارەتی تەندروستی هەرێمی كوردستان و لایەنە پەیوەندیدارەكانم ڕاسپاردووە كە هاوكاریی پێویستیی تەندروستیی پێشكەشی برینداران بكەن.
مەسروور بارزانی
سەرۆك وەزیرانی كوردستان