كۆبوونەوەی نێوان پارتی دیموكراتی كوردستان و یەكگرتووی ئیسلامی كۆتایی هات، سەڵاحەدین بەهادین ئەمینداری گشتیی یەكگرتووی ئیسلامی رای گەیاند، كارەكە ئەوەندە ئاسان نییە و گفتوگۆی دەوێ تا لایەنەكان دەگەن بە یەكتر.
لە لێدوانێكی رۆژنامەوانیدا، سەڵاحەدین بەهادین ئەمینداری گشتیی یەكگرتووی ئیسلامیی كوردستان رای گەیاند، دوێنێ سەردانی مەسروور بارزانیمان كرد و ئەمڕۆیش مەكتەبی سیاسیی پارتی هاتوون تا گفتوگۆ بكەین لەسەر دۆخی كوردستان.
ڕوونیشی كردەوە، كۆبوونەوەی نێوانیان لەگەڵ پارتی و یەكێتی زۆر باشە و وەڵامی گرنگ و ئەرێنیمان بیستووە.
هەروەها گوتی، كارەكە ئەوەندە ئاسان نییە و گفتوگۆی دەوێ تا لایەنەكان دەگەن بە یەكتر.
ئەوە لە كاتێكدایە كە سەڵاحەدین بەهادین بۆ دەرچوونی كوردستان لەو دۆخە چەقبەستووەی کە هەیە دەسپێشخەرییەكیان راگەیاندووە.