د روودانەکا نەچاڤەرێ کری دا، ئەڤرۆ ل روژا سێ یا جەژنێ زاروییەکێ ل دهوکێ پاتریەک داعویرا، نوژدارن بلەز ب رێیا نەشتەرگەرییەکا ئالوز ئەو زاروک ژ مرنێ رزگارکر.
د. نزار بەکر، رێڤەبەرێ نەخۆشخانا هیڤی یا زاروکان بۆ "وشە" گوت، زاروییەکا بچوک یا دهوکێ کو کچ بوو ب شاشیڤە د روژا سێ یا جەژنێ دا پاتریەکا کونترولا تێلەڤزیونێ داعویرا و ئاستەنگێن مەزن بو دروست بوون و کاریگەری ل سەر گەرویا وێ و خەندقینا وێ کر، لەوا کەسوکارێن وێ بلەز گەهاندە نەخوشخانا هیڤی، زێدەباری کو بێهنڤەدانە ژی، بەلێ سوپاس بۆ خودێ ئەم شیاین ستافەکێ تایبەت بەرهەڤ بکەین و ب رێیا نەشتەرگەریێ ئەوێ زاروکێ ژ مرنێ رزگار بکەین.
زێدەتر گوت، ئەڤ پاتریە ب رێیا نازورێ لژێر بێهوشكرنا گشتی و نەشتەرگەریێ هاتە دەرئینان کو پروسەکا زەحمەت و ئالوزە، چەندین جاران ژی نەشتەرگەری و کارێن بڤی رەنگی ل نەخوشخانا هیڤی هاتینەکرن بۆ زاروکان.
بەری چەند روژان ژی زاروییەکا دی ل نەخوشخانا هیڤی یا زاروکان هاتە رزگارکرن کو گوستیرکەک داعیرابوو و کاریگەریێن خراپ ل سەر ساخلەمی و خەندقینا وێ هاتبوون کرن.
دهۆک، نەوزاد هلۆری: