دابەشكردنی بەشەخۆراكی چوارەمی ئەمساڵ دەستی پێ كرد، شەش مادەی سەرەكیی خۆراك لەخۆ دەگرێت.
ئەمڕۆ پێنجشەم چواری حوزەیران، رەحیم عەلی بریكاری خۆراك، بە "وشە"ـی راگەیاندن لە دوێنێ ئێوارەوە مادەكانی خۆراكمان پێگەیشت و ئەمڕۆ دەست بە دابەشكردنی دەكرێت.
زیاتر گوتی، مادە خۆراكییەكان شەش مادەن، بۆ هەر كەسێك بریتییە لە سێ كیلۆ برنج و یەك كیلۆ شەكر و 400 گرام دۆشاوی تەماتە و یەك لیتر زەیت و نیو كیلۆ نیسك و نیو كیلۆ بەزالیا.
روونی كردەوە، نرخی پێدان بۆ هەر كەسێك وەك چەند جارێك، هەزار و 500 دینارە.
ئاماژەی بەوەش كرد، بەهۆی وەرزی گەرما دەبێت هاووڵاتییان خێرا سەردانی بكەن و بەشەخۆراكیان وەربگرن تا لە تێكچوون پارێزراو بێت.