دژەتیرۆری كوردستان بڵاوی كردەوە كە لە ڕێگەی دوو درۆنی بۆمبڕێژكراو هێرش كرایە سەر كۆگەیەكی دانەوێڵە لە قوشتەپە.
بە گوێرەی زانیارییەكانی دژەتیرۆری كوردستان، ئەمڕۆ سەعات 12:55، لە ڕێگەی دوو درۆنی بۆمبڕێژكراو لە "جۆری حدید 110"، هێرش كرایە سەر كۆگەیەكی دانەوێڵە لە قوشتەپەی سەر بە پارێزگای هەولێر، جگە لە زیانی مادیی زۆر كە بەر كۆگەكە كەوتووە، هیچ زیانێكی گیانی لێ نەكەوتەوە.
هەروەها بە توندی سەركۆنەی ئەو هێرشە تیرۆریستییانە دەكەن كە شوێنی سڤیل دەكەنە ئامانج.