دەزگای ئاسایشی هەرێمی كوردستان ئاماری هێرشە درۆنییەكانی 24 سەعاتی رابردووی بڵاو كردەوە و شەوی رابردوو بە درۆن هێرش كراوەتە سەر كۆیە.
بە گوێرەی راگەیەنراوی دەزگاكە، سەعات 11ی شەوی رابردجوو بە درۆنێك هێرش كراوەتە سەر كۆیە و كەمپی پەنابەرانی حزبەكانی رۆژهەڵاتی كوردستان.
وەك دەزگاكە ئاماژەی بۆ كردووە كە لە ئەنجامی هێرشەكەدا هیچ زیانێكی گیانی نەبووە.
ئەوە لەكاتێكدایە كە لەشەڕی نێوان ئەمەریكا و ئێرانەوە زۆرترین جار سنووری هەولێر و كۆیە بە درۆن كراونەتە ئامانج و زیاتریش بۆ ئەو شوێنانە بووە كە گومان دەكرێت ئەندامانی حزبەكانی رۆژهەڵاتی كوردستانی لێ بێت.