وەزارەتی تەندروستی حكوومەتی هەرێمی كوردستان بڕیارێكی دەركرد و پێدانی دەرمانی كۆرپەلە لەباربردن بە هەموو كەسێك قەدەغە دەكات.
بەگوێرەی نووسراوێكی وەزارەتی تەندروستی كە ئاراستەی سەرجەم بەڕێوبەرایەتییە گشتییەكانی تەندروستی و سەندیكاكانی پزیشكان و دەرماسازان و كارمەندان كراوە، تێیدا هاتووە، لەبەر بەرژەوەندی گشتی كاری پێویست ئەنجام بدەن بە سنورداركردنی بەكارهێنانی ئەو دەرمانانەی كە بەكاردێن بۆ لەباربردنی كۆرپەلە و دووپات دەكاتەوە كە بەهیچ شێوەیەك بەبێ ڕاسپاردە و ڕەچێتەی پزیشكی پسپۆڕی ئافرەتان نابێت ئەو دەرمانانە بدرێت بەهیچ كەسێك و نابێت بەبێ پزیشكی پسپۆڕی ئافرەتان بدرێت لە دەرمانخانەكان.
دووپات لەوە كراوەتەوە كە نابێت هیچ كۆمپانیا و كۆگایەك ئەو دەرمانانە بدات بە هیچ شوێنێكی نافەرمی، بەپێچەوانەوە بەرپرسیارەتیەكی هەستیارە و ڕێكاری یاسایی وەردەگیرێت.