بەڕێوەبەرایەتی كاروباری شەهیدان و ئەنفالكراوان لە سلێمانی ئاگەدارییەكی بڵاو كردەوە و داوا دەكەن كەسوكاری شەهیدان و ئەنفالكراوان بچن كارتی هەژماری من وەربگرنەوە.
ئەو ئاگەدارییە بۆ ئەوەیە كە بە هاوئاهەنگی نێوان وەزارەتی دارایی هەرێمی كوردستان و عێراق دوو مانگ مۆڵەت دراوە بۆ ئەوانەی كارتی هەژماری منیان نییە، دوای ئەوە مووچەكانیان دەوەستێ.
لە ئاگەدارییەكەدا هاتووە، بۆ جاری سێیەم ئاگەداری كەسوكاری سەربەرزی شەهیدان دەكەینەوە ئەو وارسانەی هەژماری منیان نەكردووە زۆر بە پەلە سەردانی بانكەكان و لیژنەی هەژمانی من بكەن بە مەبەستی بە بانككردنی مووچەكانتان و دروست كردن هەژماری من.
هەروەها ئاماژە بۆ ئەوە كراوە كە بەشێك لە كەسوكاری سەربەرزی شەهیدان هەژماری منیان تەواو بووە، "تكایە سەردانی بانكەكان بكە بەمەبەستی وەرگرتنەوەی تكایە پەلە بكە".