تاپۆکرنا خانیێن زێدەگاڤی ل دهۆکێ بەردەوامە و دێ دەست ب گەرەکا دی یا تاپۆکرنا خانیێن زێدەگاڤی ل دهۆکێ هێتەکرن.
بریندار حەیدەر قایمقامێ قەزا دهۆکێ دیارکر کو وان ئەڤرۆ ل گەل لیژنا دەڤەردارییا دهۆکێ یا تاپووکرنا خانیێن زێدەگاڤی کومبونەکا بەفرەهکر و گوت، د کومبوونێ دا هەرئێک ژ سەروکێن باژێرڤانیێن دهۆک یێن ڕۆژهەلات و ڕۆژئاڤا وچەندین نوینەرێن رێڤەبەریێن پەیوەندیدار بەرهەڤبون، مامەلێن تاپۆکرنا چەند خانیێن زێدەگاڤی یێن وەلاتیێن باژێرێ دهۆکێ هاتنە ب رێڤەبرن و پڵشی رەوانەکرن بۆ لیژنا بلندا یا تاپۆکرنا خانیێن زێدەگاڤی ل پارێزگەها دهۆکێ بۆ هندێ بهێنە تاپۆکرن و وەلاتی بشێن بخۆ ئاڤا بکەن.
زێدەتر گوت، هەتا نوکە ل سەنتەرێ باژێرێ دهۆکێ 927 خانیێن زێدەگاڤی هاتینە تاپۆکرن و پروسە ژی یا بەردەوامە.
ل سنورێ پارێزگەها دهوکێ نێزیکێ 25 هزار خانیێن زێدەگاڤی هەنە، نێزیکێ 17 هزار ژ وان دکەڤنە باژێرێ دهوکێ، پروسا تاپۆکرنا وان چەند سالەکە دەتست پێ کری.