ب مەرەما خزمەتکرنا زاڕۆیان و درۆستکرنا روویەکێ جوان یێ گەشتیاری، پرۆژەکێ وەبەرهێنانێ یێ گەشتیاری کو پرۆژەکێ چێکرنا باژێرێ یاریێن زارۆیانە ل ناوچەیا حەوشکێ ل نێزیک دهۆک دێ هێتە چێکرن.
فەلاح حاجی، ژ رێڤەبەریا گشتی یا وەبەرهێنانێ ل پارێزگەها دهۆکێ بو "وشە" دیارکر کو ئێک ژ مەزنترین پرۆژێن وەبەرهێنانێ یێن گەشتیاری ل پارێزگەها دهۆکێ دێ هێتە چێکرن و گوت، پڕۆژە ژ مەلەڤانگەهەکا ئۆڵۆمپی یا 50٭20 یا گرتی، یاریگەهێن ئاڤێ، 13 یاریێن زارۆکان، هۆڵا لەشجوانیێ، هۆڵا هەلکەفتان، زنجیرەیەکا خوارنگەهـان و کافتریا، پارکێن ترومبێلان و دەڤەرێن کەسکاتی پێکدهێت، پڕۆژە ل سەر رویبەرێ پتری 52 هزار مەترێن چوار گوشە ب کوژمێ دوو ملیون و 957 هزار دولاران ل دەڤەرا حەوشکێ ل نێزیک دهوکێ هێتە چێکرن.
زێدەتر گوت، دەمێ دوماهی ئینانا پڕۆژەی سێ ساڵن و پڕۆژه دێ ژلایێ وه‌به‌رهێنه‌ر مەئمون نورەدین سالح دهێته بجهئینان، دێ خزمەتەکا باش یا کەرتێ گەشتاری ل پارێزگەها دهوکێ و زاڕۆیێن خوشتڤی کەت.
حەوشکێ دکەڤیتە روژئاڤایێ باژێرێ دهۆکێ ب دوراتیا پێنج کیلومەترا و ناوچەییەکا نوو ئاڤەدانکریە و هژمارەکا پرۆژێن جودا لێ هاتینە دروستکرن.