ئەحمەد جەمیل، رێڤەبەرێ گشتی یێ چاندنێ ل پارێزگەها دهۆكێ بۆ "وشە" چوت، ئەڤ سالە بەرهەمێ پتاتان ل پارێزگەها دهۆكێ 70% زێدە بوویە و بەرهەمێ وان گەلەك یێ باشە، حكومەتا هەرێمێ هاریكارییا جۆتیاران دكەت داكو بەرهەمێن خوە ل ناڤخوە یا هەرێمێ و ل دەرڤەیی هەرێما كوردستانێ ژی بفرۆشن و ئەڤ سالە پتات بۆ دەرڤەیی هەرێما كوردستانێ هاتینە هنارتن.
زێدەتر گوت، ل ئەڤان سالاندا ل پارێزگەها دهۆكێ 126 كۆگەهێن سار بۆ هەلگرتنا بەرهەمێن پتاتان هاتینە چێكرن و پتاتێن دهۆكێ ل سەر ئاستێ هەرێما كوردستانێ و عێراقێ د پلەیا ئێكێ دانە و ڤێ چەندێ وەكرییە كو بكر بۆ بەرهەمێ پتاتان پەیدا ببن و ئێدی بەرهەمێ وان بۆ دەرڤەیی كوردستانێ دھێتە هنارتن.
حوكمەتا هەرێما كوردستانێ روژانە نێزیكێ 500 تەنێن پتاتا رەوانەی دەرڤە دكەت ب تایبەتی بۆ وەلاتێ ئیماڕات كو خواستەكا زۆر ل سەر هەیە.
زورترین پتاتا كوردستانێ ل سنورێ پارێزگەها دهۆكێ دهێتە بەرهەمئینان ب تایبەتی ل دەشتا ناڤكورێ ل بەردەڕەش و دەشتا سلێڤانەی ل باتێل و دەشتا شێخان ل قەزا شێخان.