رێڤەبەرییا گشتی یا چاندنێ ل پارێزگەها دهۆکێ ب پشتەڤانی و چاڤدێریا د. عەلی تەتەر پارێزگارێ دهۆکێ، بەرهەڤیێ بۆ شازدەهەمین پێشانگەها تری و هنگڤینی ل دهۆکێ دکەت.
جیهان ڕەسول، ژ ڕێڤەبەریا گشتی یا چاندنێ ل پارێزگەها دهۆکێ بۆ "وشە" گوت، سالانە پێشانگەها تری و هنگڤینی ل دهۆکێ ب پشتەڤانی و چاڤدێری یا بەڕێز د. عەلی تەتەر پارێزگارێ دهۆکێ، دهێتە ڤەکرن و بریارە بو ئەڤ سالە ژی پێشانگە ل رێکەفتی ٢٠٢٣/٩/٢٠ێ بهێتە ڤەکرن.
زێدەتر گوت، پێشانگەها تری و هنگڤینی ب مەرەما پشتەڤانیا بەرهەم و بەروبومێن خۆمالی ل دهۆکێ دهێتە ڤەکرن و تێدا چەندین جۆرێن تری و هنگڤینی دهێنە نمایش کرن. پارێزگارێ دهۆکێ و رێڤەبەرییا گشتیا چاندنێ ژی ب بەردەوامی هەول بۆ ساخکرنا بەرهەمێن خۆمالی ددەن.
دهێتە زانین نێزیکی ١٢٥ جۆرێن تری ل پارێزگەها دهۆکێ هەنە و پتری ٥٠ توخمێن وان ل پێشانگەهێ دهێتە نمایش کرن و هەروەسا هنگڤینێ سروشتی و خۆمالی یێن گوند و چیایێن کوردستانێ ژی تێدا هەنە.