ل سەر ڕاسپاردێن مەسروور بارزانی، سەرۆکێ حکومەتا هەرێما کوردستانێ، چەندین پرۆژێن خزمەتگوزاری ل هەموو سنوورێ ئیدارا سەربەخۆ یا زاخۆ، هاتنە ڕاگەهاندن.
ئەڤرۆ ب چاڤدێریا گوهدار شێخۆ سەرپەرشتێ ئیدارا سەربەخۆ یا زاخۆ، بەرێ بنیاتێ چەندین پرۆژێن خزمەتگوزارییێن جودا جودا، ل سنوورێ ئیدارا سەربەخۆ یا زاخۆ، گۆژمێ پتری شەش ملیارا دیناران هاتنە دانان.
گوهدار شێخۆ، سەرپەرشتێ ئیدارا سەربخوەیی یا زاخۆ ل بارا پرۆژان گوت، ل ژیر سیبەرا حکومەتا هەرێما کوردستانێ، کابینا نەهێ ب سەرۆکاتیا مەسروور بارزانی سەرۆکێ حکومەتا هەرێما کوردستانێ، کاروانێ پێشکێشکرنا خزمەتگوزاریان و ئاڤەدانیێ د هەموو بیاڤەکێ دا ل سنوورێ ئیدارا سەربەخۆ یا زاخۆ د بەردەوامن، کو ژ ئالیێن کۆمپانیێن جودا جودا و شەهرەزا و خودان سەربوور ڤە، دێ هێنە ب جهئینان.
زێدەتر گوت، پروژێن ئەڤرۆ ژی پێکدهێن ژ چێکرنا جادە سۆلین و ئاڤرێژان لسەنتەرێ قەزا باتیفا و ناحیا بێگۆڤا، چێکرنا شۆستێن جادا ١٥ مەتری چاندنا داران و رۆناهیکرنا جادا و جووت سایدی ل قەزا باتیفا، چێکرنا ڕێکا گوندێن شێرخواسکێ، ئاڤهێ تا بارهۆلێ، گوڤکا سەری، غۆلدیا، مێسکێ ل ناحیا بێگۆڤا و چێکرنا ڕێکا سەرکی یا هیزاوا- دەرکار، ب درێژاهیا ١٣٥٠ مەتران
پێشتر ژی ب کوژمێ پتری 200 ملیار دیناران چەندین پرۆژە ل ئیدارا زاخۆ هاتینە چێکرن.