ب مەرەما پێشڤەبرنا کەرتێ وەبەرهینانێ و پەیداکرنا دەلیڤێن کاری بۆ وەلاتیان، دوو پروژەیێن نوو یێن وەبەرهێنانێ دێ ل دهوکێ هێنە چیکرن.
فەلاح حاجی، بەرپرسێ راگەهانوونێ ل رێڤەبەریا گشتی یا وەبەرهێنانێ ل پارێزگەها دهوکێ گوت، وەبەرهێنەرەکێ نافخۆ ب کوژمێ دوو ملیون و 100 هزار دۆلاران، مۆلەت بۆ چێکرنا دوو پڕۆژەیان ل سنوورێ ناحیا زاریتە وەرگرت، ئەڤ پێنگاڤە ژی پشتی کو حکومەتا هەرێما کوردستانێ بڕیار دایی گرنگییێ ب دەڤەرێن دەرڤەی سەنتەرێ پارێزگەهان بهێتەدان هات ب تایبەتی دوارێ وەبەرهێنانێ.
زێدەتر گوت، دڤی چارچووڤەی دا چەندین پڕۆژەیان مۆلەت وەرگرتییە کو پاریزگەها دهۆکی پشکەکا باش هەبوویە، ئەڤ هەردوو پڕۆژەیە ژی هەر ب رێکا وێ سیاسیەتێ دێ کەڤنە دخزمەتا خەلکی دا.
پڕۆژەیێ ئێکێ پڕۆژەیەکێ گەشتیارییە ل دەڤەرا زاویتە و بناڤێ زاویتە ڵاند و پێکدهێت ژ مۆتێلەکێ کو خوارنگەهـ و کافێ و مەلەڤانگەهـ و هۆڵا GYM و کەسکاتی و جهێن ڤەکری ژی تێدا هەنە، هەروەسا پڕۆژەیێ دوویێ ژی کۆمەڵگەهەکا وەرزشی یە بناڤێ کۆمەڵگەها زرار رێکانی یا وەرزشی کو دێ یاریگەها تەپا پێی و و گۆڕەپانا باسکتبۆڵی و هۆڵێن GYM ێ و پارک و باخچەتێدا هەنە و پڕۆژە دکەڤیتە سنوورێ باژێڕڤانیا باگیڕا، رێڤەبەرێ ناڤبری هوسا گۆت.
سالا بوری 22 پرۆژێن ستراتیجی یێن وەبەرهێنانێ ل سنورێ پارێزگەها دهۆکێ هاتینە چێکرن، ئەڤ سالە ژی بریار لسەر چەندین پرۆژان هاتیەدان.