ب مەرەما سڤککرنا بارێ سەر ملێن وەلاتیێن کێمدەرامەت و جوانکرنا سەرو سیمایێ باژێرێ زاخۆ، 200 دوکان بۆ هەژار و کمدرامەتان ل زاخۆ هاتنە ڤەکرن کو پێشتر بازاڕێن خۆ لسەر شوستە و جهێن گشتی ددانان.
ب گورەی زانیاریێن وشە کو ژ ئیدارا سەربخوەیی یا زاخۆ وەرگرتنە ئەڤ بازاڕە ل نێزیک بازاڕێن دی ل جهەکێ تایبەت هاتیە ڤەکرن کو نێزیکە ل مال و وەلاتیان و خەلک دشین ب ساناهی سەردانێ بو بکەن.
بازاڕ پێکدهێن ژ 200 دوکانێن قەبارە ناڤنجی و لسەر کەسانێن هەژار و کێمدەرامەت ل زاخۆ هاتینە دابەشکرن کو بەری نوکە وان کەسان لسەر عەرەبانە و لسەر شوستەیان و جهێن نەدروست و جهێن گشتی دناڤ بازاڕێ زاخۆ دا کاردکرن و ببویە ئەگەر کو هەند سیمایێ باژێری کرێت ببیت هەند ژی قەرەبالغی ل جادە و جهێن هاتن و چونا ترومبێل و پیادەیێن وەلاتیان تەنگ ببیت، لەوا هەموو هاتنە ڤەگوهاستن و بازاڕەکێ نوو ب هەموو تایبەتمەندی و خزمەتگۆزاری ڤە ل سەر وان هاتنە دابەشکرن.
هەر ب گورەی زانیاریێن وشە، ئەڤ هەموو بازاڕە دێ وەجو مولک بو حکومەتێ مینن، دێ بێ بەرامبەر وبێ کرێ ئەو کەسە تێدا کارکەن، دهەمبەر ژی دا دێ هاریکاریا وان هێتەکرن، خۆدانێن وان دخوازن کو سەربانێن وان بهێنەگرتن داکو ل وەرزێ زستان و هاڤینی ئاریشا گەرم و بازانێ بۆ دروست نەبیت.
پێشتر ژی ل زاخۆ چەندین بازاڕێن جودا هاتینە چێکرن و نوژەنکرن، وەکو بازاڕێ کەڤن یێ زاخۆ کو ب سیکا تاری دهاتە دنیاسین، ئەڤە ژبلی چیکرنا بازاڕێن نوو ل رەخ و رویێن کورنیشێ زاخۆ.