ب مەرەما پشتەڤانیکرنا جوتیاران، ئالیێن شولەژێ ل سنورێ پارێزگەها دهوکێ، کارئاسانی بۆ هنارتنا پتری 17 هزار تەنێن بەرهەمێ خۆمالیێ جوتیاران کریە بۆ عیراقێ.
ئەحمەد جەمیل، رێڤەبەرێ گشتی یێ چاندنێ ل پارێزگەها دهۆکێ دیارکر کو ئەڤ سالە هەتا نوکە 17 هزار و 94 تەنێن بەرهەمێ خومالی یێ پارێزگەها دهوکێ بۆ ناڤەراست و باشورێ عێراقێ هاتینە هنارتن و گوت، پارێزگەها دهۆکێ یا ناڤدارە ب بەرهەمێن خومالی یێن نافخۆ، سالانە رێژەکا زۆر یا كەسكاتی و فێقی لێ دهێتە بەرهەمئینان، ب مەرەما پەیداکرنا بازاری بۆ بەرهەمێ جوتیاران، کابینا نەهێ یا حوکمەتا هەرێما کوردستانێ ئاسانکاریێن باش بۆ جوتیاران کرینە.
زێدەتر گوت، وەکو هەر سال بەرهەمێ جوتیارێن پارێزگەها دهوکێ بۆ پارێزگەهێن دی یێن عیراقێ ژی دهێتە هنارتن، بۆ ئەڤ سالە ژی، هەر ژ رێکەفتی 2-1-2025ێ هەتا رێکەفتی 31-5-2025ێ، 17 هزار و 94 تەنێن بەرهەمێن خومالی یێ پارێزگەها دهوکێ بۆ ناڤەراست و باشورێ عێراقێ هاتینە هنارتن و جوتیار ژێ مفادار بوینە.
ناڤبری دیارکر ژی کو پترانیا ئەو بەرهەمێن سەرەكی یێن پارێزگەها دهۆکێ ئەوێن بۆ باژێرێن عیراقێ دهێنە هنارتن پێکدهێن پتات، تەماتە، خیار، باقلک، حلیک،شتی، خوخ، گندور، تی و تروزی و چەند بەهەمێن دن بو و گوتژی، ئاسانکاری بۆ جوتیاران دێ دبەردەوام بن بۆ هندێ جوتیار بهێت بەرهەمێن خو ب فروشیت.
دڤان چەند سالێن دوماهیێ یێن کابینا نەهێ دا، حکومەتا هەرێما کوردستانێ پوتەکێ گرنگ ب بەرهەمێن چاندنێ دایە، بەشەکا هەرە زور یا بەرهەمێن کوردستانێ ی دهێنە هنارتن بۆ دەرڤە.