کۆمپانیایەک ئەپلیکێشنێکی داهێناوە کە ئیتر هاووڵاتییان لە هەر کوێیەکی دنیابن دەتوانن موڵک لە هەرێمی کوردستان بکڕن.
کوردستان لەبواری وەبەرهێناندا گەشەسەندنی گەورەی بەخۆیەوە بینوە، خەڵک لە ناوەڕاستی عێراق و وڵاتانی دنیا موڵکیان لە کوردستان کڕیوە ئەو ئەپلیکەیشنەش کارئاسانی زیاتری بۆ گەشتیاران کردووە.
ئەمڕۆ هەینی 12ی ئەیلوول، ئازاد جاف کە داهینەری ئەپیلیکەیشنەکەیە، بۆ "وشە” گوتی، ئەپلیکەیشنی پایە بۆ خزمەتی عەقارات و گەشتیاران دەکات هەنگاوێکە بۆ بەلیکترۆنی کردنی بوارەکە.
روونیشی کردەوە، کاری ئەپلیکەیشنەکە ئەوەیە کە خەڵک بە ئاسانی بگەن بە موڵکی دڵخوازی خۆیان لە هەر کوێیەکی دنیابن.
نمونەیشی بەوە هێنایەوە کە کەسێک بیەوێ لە ئەوروپا یا شارەکانی تری عێراق شوقەیەک لە هەولێر بکڕێ پێویست ناکات بێتە هەولێر ئینجا موڵکەکەی بکڕێ یا کەسێک بکا بەوەکیل بەڵکو لە ڕێی ئەو ئەپلیکەیشنەوە تەواوی وردەکارییەکەی دەست دەکەوێ و دەتوانێ راستەوخۆ بیکڕێ.
پێشی وایە ئەوە کارئاسانییەکەی گەورە پێشکەش بە خەڵک و گەشتیاران دەکات.