وەزیری ئاوەدانكردنەوەی هەرێم رای دەگەیەنێت، لە كۆبوونەوەی ئەنجوومەنی وەزیران بۆ مسۆگەركردنی ناردنی مووچە، بڕیار دراوە مانگانە بڕی 120 ملیار دینار لە داهاتی ناوخۆ دابنرێت.
دانا عەبدولكەریم وەزیری ئاوەدانكردنەوە و نیشتەجێكردن رای گەیاند، لە كۆبوونەوەی دوێنێی ئەنجوومەنی وەزیران، وەزارەتی دارایی راسپێردرا مانگانە بڕی 120 ملیار دینار لە داهاتی ناوخۆ دابنرێت و بۆ هچ شتێكی تر خەرج نەكرێت.
ئاماژەی بەوەش كرد، ئەم هەنگاوە بۆ ئەوەیە مانگانە هەر كاتێك پارەی مووچە ئامادە بوو، راستەوخۆ 120 ملیار دینارەكە رەوانەی بەغدا بكرێت و چیتر كێشەی دواكەوتنی مووچە دروست نەبێت.