روانگەی ئابووری عێراق رای گەیاند، سەرۆكایەتیی كۆمار كە تەنیا پێشوازیی لە باڵوێز و بەشداریی كۆنگرەكانیان كردووە، مانگانە چوار ملیار دینار خەرجییانە.
ناوەندێكی ئابووری عێراق ئەمڕۆ سێشەم 21ی تشرینی یەكەم بڵاوی كردەوە، خەرجییەكانی سەرۆكایەتیی كۆماری عێراق مانگانە نزیكەی چوار ملیار دینارە، 99%ـی ئەو خەرجییانە خەرجی بەكاربردنن.
روانگەكە ئاشكرای كردووە، لە حەوت مانگی سەرەتای ئەمساڵدا، خەرجیی سەرۆكایەتیی كۆمار گەیشتووەتە زیاتر لە 27.5 ملیار دینار و مانگانە كەمێك كەمترە لە چوار ملیار دینار بووە.
بەشی زۆری دامەزراوەكانی عێراق، مانگانە پارەكی زۆر خەرج دەكەن و سەرۆكایەتیی كۆماریش وەك دامەزراوەیەكی باڵا، یەكێكە لەوان كە مانگانە پارەیەكی زۆر بۆ بەكاربردن خەرج دەكات، ئەمەش گومانی لای روانگە ئابوورییەكە و راگەیاندنی عێراقی دروست كردووە.