نرخە خێراکانی نەوت لە بازاڕەکانی جیهاندا دابەزینێکی گەورەیان بەخۆوە بینی و نەوتی خاوی بەسرەش ڕووبەڕووی داڕمان بووەوە، بەجۆرێک نرخی بەرمیلێک نەوت گەیشتووەتە 55 دۆلار.
ئەمڕۆ چوارشەم حەوتی کانوونی دووەمی 2026، بەپێی داتاكانی بازاڕی وزە، نرخی نەوتی خاوی قورسی بەسرە بە 55.08 دۆلار بۆ هەر بەرمیلێک داخرا، کە بە بڕی 2.19 دۆلار و بە ڕێژەی 3.82% دابەزیوە.
هەروەها نەوتی خاوی مامناوەندی بەسرە بۆ 57.63 دۆلار دابەزیوە و هەمان بڕی دابەزین (2.19 دۆلار)ی تۆمار کردووە.
لەسەر ئاستی جیهانیش، نەوتی خاوی ڕۆژئاوای تەکساسی ئەمەریکا بۆ 55.90 دۆلار دابەزی و نەوتی برێنتیش گەیشتە 59.87 دۆلار، کە ئەمەش نیشانەی گوشاری زۆرە لەسەر بازاڕەکانی وزە لە چەند سەعاتی ڕابردوودا.