وەزارەتی دارایی و ئابووریی حكوومەتی هەرێمی كوردستان، هاتنی گوژمەیەكی تری پارەی بۆ مووچەی فەرمانبەرانی كوردستان لە عێراقەوە راگەیاند.
لە راگەیەنراوەكەی وەزارەتی دارایی و ئابووری هاتووە، گوژمەیەكی تر بە بڕی 365 ملیار و 702 ملیۆن دینار وەك بەشێكی تر لە تەمویلی مووچەی مانگی شوباتی فەرمانبەرانی هەرێمی كوردستان خرایە سەر هەژماری بانكی وەزارەتی دارایی و ئابووریی هەرێمی كوردستان لە لقی هەولێری بانكی ناوەندیی عێراق.
ئاماژە بۆ ئەوەیش كراوە، چاوەڕێ دەكەین سبەی دووشەم لەگەڵ گەیشتنی تەواوی تەمویلی مووچە لەلایەن وەزارەتی دارایی عێراقەوە، ڕاستەوخۆ دەست بە دابەشكردنی مووچەی مانگی شوبات بكرێت.