وەزارەتی دارایی و ئابووریی حكوومەتی هەرێمی كوردستان ڕای دەگەیەنێت، كە نزیكەی 736 هەزار مووچەخۆری مەدەنی، خانەنشینی، پێشمەرگە، ئاسایش و ماڵباتی شەهیدان مووچەی مانگی سێ بەشێوەی دیجیتاڵی لە ڕێگەی پڕۆژەی هەژماری من وەردەگرن.
هەروەها ئاماژە بۆ ئەوە كراوە كە تا ئێستە، زیاتر لە 900 هەزار مووچەخۆر خۆیان تۆماركردووە لە پڕۆژەی هەژماری من.
جێگای باسە، لە چوارچێوەی پڕۆژەكە نزیكەی 572 ئامێری ڕاكێشانی پارە لە سەرانسەری هەرێمی كوردستان جێگیركراون بۆ ئەوەی هاووڵاتییان بەشێوەیەك 24 سەعات بتوانن پارە ڕابكێشن.
پڕۆژەی هەژماری من، كە دەستپێشخەرییەكی حكوومەتی هەرێمی كوردستانە بۆ بە بانكیكردنی مووچەی مووچەخۆران، لە ساڵی 2023 لە لایەن مەسروور بارزانی سەرۆك وەزیرانی كوردستان راگەیەنرا.