ئەمڕۆ یەكشەم فالح ساری وەزیری دارایی عێراق دەستكردن بە خەرجكردنی پارەی گەنمی جووتیارانی لە دوای تەواوبونی رێوشوێنە پێویستە داراییەكان بۆ خەرجكردن راگەیاند، ئەوەش بۆ مسۆگەركردنی گەیشتنی پارەكە بۆ تەواوی جووتیاران لە هەموو پارێزگاكان.
وەزیری دارایی دووپاتی كردەوە كە ئەو هەنگاوە بۆ پاڵپشتیكردنی جووتیارانی عێراق و ئاسایشی خۆراكی نیشتمانی دێت، بەرجەستەی پابەندیی حكوومەت بە فەراهەمكردنی مافی جووتیاران و پاڵپشتیكردنی كەرتی كشتوكاڵ دەكات، وەك یەكێك لە گرنگترین كۆڵەكەكانی ئابووریی نیشتمانی.
وەزیری دارایی ستایشی هەوڵی جووتیارانی كرد بەهۆی زیادكردنی بەرهەمی ناوخۆیی و دووپاتی لە بەردەوامیی وەزارەتەكەی كردەوە لە پاڵپشتیكردنی ئەو كەرتە گرنگە و دابینكردنی پێویستییەكانی سەرخستنی.