بەڕێوەبەری كۆمپانیای سۆمۆی عێراقی ئاشكرای دەكات، وڵاتەكەی داوای لە توركیا كردووە بۆ ماوەی ساڵێك رێككەوتنی بۆری نەوتی كەركووك- جەیهان درێژ بكرێتەوە كە مانگی داهاتوو كۆتایی دێت.
ئەمڕۆ دووشەم 15ی حوزەیران، عەلی نزار بەڕێوەبەری
كۆمپانیای سۆمۆ ئاشكرای دەكات، عێراق داوای كردووە بەلایەنی كەمەوە ساڵێك رێككەوتنی بۆڕیی نەوتی كەركووك- جەیهان نوێ بكرێتەوە.
ئەو رێككەوتنە كە لە سەرەتای حەفتاكانی سەدەی رابردوو لە نێوان توركیا و عێراق كراوە، ساڵی رابردوو توركیا بڕیاری كۆتاهێنانی دا و لە 27ی مانگی داهاتوو كۆتایی دێت.
عەلی نزار باسی لەوەیش كردووە، هێشتا عێراق و توركیا لەسەر رەشنووسی رێككەوتنێكی نوێ بۆ هەناردەی نەوتی كەركووك لە رێگەی توركیاوە رێك نەكەوتوون.