بە داتا.. بزانە حكوومەت چیی بۆ دهۆك كردووە؟

بەپێی ئامارێكی تایبەت دەست "وشە"  كەوتووە و تێیدا ھاتووە، لە پارێزگای دھۆك لە كابینەی نۆیەمی حكوومەتی ھەرێمی كوردستان، ھەزار و 314 پڕۆژە جێبەجێ كراون بە گوژمەی سێ‌ ترلیۆن و 107 ملیار دینار، بەجۆرێك لە كەرتی گشتی ھەزار و 249 پڕۆژە بەسەرمایەی دوو ترلیۆن و 18 ملیار و 154 ملیۆن و 966 ھەزار و 246 دینار، لە كەرتی تایبەت 65 پڕۆژە بە سەرمایەی ترلیۆنێك و88 ملیار و 988 ملیۆن و 600 ھەزار دینار و لەوانە ژمارەیەك پڕۆژەی ستراتیجین .

بەپێی ھەمان ئامار، ئەو پڕۆژانەی رەزامەندییان لەسەر دراوە بۆ پارێزگای دھۆك لە كابینەی نۆیەم، لە ماوەی پێنج ساڵی ڕابردوو، لە ساڵی 2020دا 148 پڕۆژە بەسەرمایەی 549 ملیار و 847 ملیۆن و 568 ھەزار و 642 دینار. لە ساڵی 2021دا 138 پڕۆژە بەسەرمایەی 152 ملیار و 490 ملیۆن و 671 ھەزار و 981 دینار. لە ساڵی 2022دا 325 پڕۆژە بەسەرمایەی 238 ملیار و 133 ملیۆن و 668 ھەزار و 795 دینار و لەساڵی 2023 دا 101پڕۆژە بەسەرمایەی 109ملیار و 514 ملیۆن و 571 ھەزار و 572 دینار و لە ساڵی 2024 دا 419 پڕۆژە بەسەرمایەی 960 ملیار و 515 ملیۆن و 767 ھەزار و 756 دینار، كۆی گشتی ھەزار و 249 پڕۆژە بەسەرمایەی دوو ترلیۆن و 18 ملیار و 154 ملیۆن و 966 ھەزار و 246 دینار، پڕۆژەی كەرتی تایبەت 65 پڕۆژە بەگوژمەی ترلیۆنێك و 88 ملیار و 988 ملیۆن و 600 ھەزار دینار، كۆی گشتیی پڕۆژەكانی كەرتی گشتی و تایبەت ھەزار و 314 پڕۆژە بەسەرمایەی سێ‌ ترلیۆن و 107 ملیار و 143 ملیۆن و 566 ھەزار و 246 دینار .

بەپێی ھەمان ئامار، پڕۆژەكانیش لە ناوەندی دھۆك 221 پڕۆژە بەسەرمایەی 618 ملیار و 677 ملیۆن و 720 ھەزار و 835 دینار، قەزای ئاكرێ 216 پڕۆژە بە سەرمایەی 208 ملیار و 989 ملیۆن و 539 ھەزار و 509 دینار، قەزای ئامێدی 331 پڕۆژە بەسەرمایەی 401 ملیار و 25 ملیۆن و 445 ھەزار و 399 دینار، قەزای سێمێل 159 پڕۆژە بەسەرمایەی 202 ملیار و 825 ملیۆن و 580 ھەزار و 898 دینار، قەزای شێخان 161 پڕۆژە بەسەرمایەی 296 ملیار و 587 ملیۆن و 851 ھەزار و 899 دینار. پڕۆژەكانی قەزای بەردەڕەش 216 پڕۆژە بەسەرمایەی 302 ملیار و 615 ملیۆن و 393 ھەزار و 767دینار .

بەپێی ئامارەكە لە دھۆك ئەمانە ژمارەیەك پڕۆژەن حكوومەتی ھەرێم بودجەی بۆ دابین كردوون و ئەنجام دراون كە كۆمەڵێك پڕۆژەی ستراتیجین، لەوانە رێگەی دووسایدی روڤیا بۆ كۆپال بەدرێژایی 22 كم بە گوژمەی 103 ملیار و 233 ملیۆن دینار، كە لە پردێكی گەورە و دوو پردی پیادە و شەش ئۆڤەرپاسی تێدایە، پڕۆژەی رێگەی قەرەناز بۆ دارەتوو بۆ روڤیا بەدرێژایی 56كم بە گوژمەی 19 ملیار دینار كە تەواو بووە و 25 گوند سوودیان لێ وەرگرتووە. پڕۆژەی ئاوی باتیفا بە گوژمەی پێنج ملیار و 904 ملیۆن دینار كە نزیكەی ٩٠%ی پڕۆژە تەواو بووە. پڕۆژەی باڵەخانەی بەڕێوەبەرایەتیی پاسپۆرتی ئاكرێ  بەگوژمەی ملیارێك و ٣١٩ملیۆن دینار تەواو بووە و لە خزمەت خەڵكدایە، پڕۆژەی ئاوی ستراتیجی ئاكرێ بە گوژمەی ١٠٩ملیار و دوو ملیۆن دینار كە ئێستە كاركردن تێیدا بەردەوامە. پڕۆژەی ئۆڤەرپاس و ئەندەرپاسی شەقامی بارزان لە دھۆك بە گوژمەی ٦٨ملیار و ١٤٨ملیۆن دینار، پڕۆژە تەواو بووە كە لە یەك ئۆڤەرپاس و ئەندەرپاس و دوو ئەندەرپاس لە نزیك ئۆتێل ریكسۆس و دوو یوتێرن لە نزیك قوتابخانەی سەفین، شەقامی خزمەتگوزاری و پڕۆژەی نەخۆشخانەی ١٠٠ قەرەوێلەیی شێلادزێ بە گوژمەی ٦٤ملیار و ٥٠٠ ملیۆن دینار كە كاركردن تێیدا بەردەوامە. دروستكردنی سایلۆی روڤیا لە قەزای بەردەڕەش بە گوژمەی ١٧ملیار و ٩٤٨ملیۆن و ٧٠٠ ھەزار دینار، پڕۆژەكە تەواو بووە و ئەمساڵ گەنمی لە جووتیاران وەرگرت .

وشە/ بڵند ئیبراھیم