ب ئاماده‌بونا د.عه‌لى ته‌ته‌ر، پارێزگارێ دهۆكێ، پرۆژێ نوژه‌نكرنا شكه‌فتا چوارستین هاته ڤه‌كرن کو پێکدهێت ژ چەندین جهێن شینواری و گەشتیاری.
پشتى رێ ورسمێن ڤه‌كه‌رنێ گه‌ریانه‌ك ل ناڤ جهێن نوژه‌نكرى هاته كرن و ژنێزیك سه‌حكرنه ره‌وشا وان،
پاش ل ناڤ شكه‌فتا چوارستین كو ئێكه ژپه‌رستگه‌هێن زه‌ره‌ده‌شتیان و مێژویا وێ زۆر یا كه‌ڤنه 365 شه‌ماڵك هاتنه هه‌لكرن.
د.بێكه‌س بریفكانى، رێڤه‌به‌رێ شونوارا ل پارێزگه‌هێ بۆ "وشە" گوت: سوپاسیا هه‌موو لایه‌کێ دکەین یێن بوینه هاریكار بو نوژه‌نكرنا شكه‌فتا چوارسیتین یا شینواری کو دەمەکە کار تێدا دهێتەکرن و ئەڤرۆ ب خوشحالڤە داوی هات و هاتە ڤەکرن و کەفتە د خزمەتا خەلکێ پارێزگەها دهۆکێ و گەشتیاران دا.
د. عەلی تەتەر، پارێزگارێ دهۆكێ، د داخوانیەکا روژنامەڤانی دا دیارکر کو ئەو ده‌ستخوشى ل وان هه‌موو لایه‌ن ورێكخراوا دکەن کو رول هەبویە د نوژەنکرنا شینوارێن ناڤبری و گوت، سوپاسیا ئێكه‌تیا ئه‌ورپى ویونسكو دکەین کو بوینه هاریكار بۆ نوژه‌نكرنا شكه‌فتا چوارستین، ئه‌ڤه جهه‌كێ شینوارى و كلتورى یێ ره‌سه‌نێ كوردستانێ یه و دڤێت لایه‌نێن په‌یوه‌ندیدار وهه‌ر تاكه كه‌سه‌كێ ڤێ وه‌ڵاتى چاڤدێرى و سه‌خبێریێ لێ بكه‌ت و باش ب پارێزیت وئه‌ڤ شینواره ئێك ژپیروزیێن گه‌لێ مه‌نه ، هه‌بونا مه ل سه‌ر ڤێ ئاخێ دسه‌لمینن ودیاردكه‌ن.
چوار ستین دکەڤیتە ناڤەراستا گەلیێ دهۆکێ ل بنارێ چیایێ کێلیا شەدا و زنجیرە چیایێ سپیرێز کو جهەکێ شینواری و شارستانی و گەشتیاری یێ دهۆک و کۆردستان و عیراقێ یە، چێکرنا پرۆژەی دێ رویەکێ دن یێ گەشتیاری دەتن باژێرێ دهۆکێ.
پروژە پێکدهێت ژ نوژنکرنا شکەفتێ، ل گەل چێکرنا رێیا پیادە و سیلاڤ و کارگێری و باخچە و چەند جهن ڤەحەویانێ.