بڕیارە لە مانگی 10ی ئەمساڵ، 17یەمین فێستیڤاڵی بەدرخان بەناونیشانی "شەریف پاشای خەندان، پێشەنگی دیپلۆماسیی كورد" لە شاری كەتەنجاڕۆی ئیتاڵیا بەڕێوە بچێت.
حەمید بەدرخان سەرۆكی دەزگای بەدرخان، بە "وشە"ی رای گەیاند: 17مین فێستیڤاڵی بەدرخان لە شاری كەتەنجاڕۆی ئیتاڵیا بەڕێوە دەچێت، بۆ ئەو مەبەستەش سەردانی ئەو شارەمان كرد و ئارامگەی جەنەراڵ شەریف پاشای خەندانمان بەسەر كردەوە، كە پێشتر لەلایەن دكتۆر جاسم خۆشناو دۆزراوەتەوە.
لەبارەی فێستیڤاڵەكەشەوە سەرۆكی دەزگای بەدرخان گوتی: "ئامادەكارییەكان بەردەوامن لەگەڵ لایەنی سەرپەشتیار و سپۆنسەرەكاندا".