دیداری هەورامانناسی لە هەڵەبجە بەڕێوە دەچێت

:: AM:11:40:09/10/2025 ‌
شاخەوان سدیق ڕای گەیاند، دیداری هەورامانناسی دامەزراوەی "كەریمی عەلەكە" بەڕێوەی دەبات و  چەندان بابەتی هەمەجۆر لەخۆ دەگرێت.

 لە لێدوانێكیدا بۆ "وشە" شاخەوان سدیق رای گەیاند، دیدارەكە بۆ باسكردن و گفتوگۆكردنە لەسەر هەورامانناسی، لە دیدارەكەدا یەكترناسین و دروستكردنی پێوەندیی كۆمەڵایەتیی دێتە ئارا. دووپاتیشی كردەوە، دیدارەكە ساڵانە و بەشێوەیەكی بەردەوام بەڕێوە دەچێت، هەوڵ دەدەن ساڵ دوای ساڵ بابەتی زیندووتر و گرنگتر پێشكەش بكەن.

ئەمڕۆ پێنجشەم نۆی تشرینی یەكەم، لە هەڵەبجە دیداری هەورامانناسی بەڕێوە دەچێت و تێیدا چەندان لایەنی گرنگی كولتووری، ئەدەبی و مێژوویی ناوچەی هەورامان دەخرێنەڕوو و گفتوگۆیان لەسەر دەكرێت.

ئەمساڵ نۆ توێژەر بەبابەتی نوێوە بەشدارییان لە دیدارەكەدا كردووە، توێژینەوەكانیان تایبەت بۆ ئەم بۆنەیە ئامادە كردووە. دیدارەكە هەوڵ دەدات توێژەران لە ناوخۆ، ڕۆژهەڵاتی كوردستان و سەرجەم ناوچەكانی هەورامان كۆ بكاتەوە.



وشە - سۆران عەزیز