د.جه‌بار قادر له پۆستێكى فه‌یسبووك ده‌نووسێ، "له نێوان 1787 تا 1986 له دنیا 2677 كتێب به زمانى كوردى بڵاوبوونه‌ته‌وه، ئێستا له باشوور له ساڵێكدا پێنج هه‌زار ناونیشان له چاپ ده‌درێن".
ئه‌مڕۆ هه‌ینى 10ى تشرینى یه‌كه‌م د.جه‌بار قادر نووسه‌ر و مامۆستاى زانكۆ له پۆستێكى له تۆڕى كۆمه‌ڵایه‌تى فه‌یسبووك باسى له‌وه كردووه، ئێسته ته‌نیا له باشوورى كوردستان له ساڵێكدا به قه‌د 200 ساڵ كتێب به زمانى كوردى چاپ ده‌كرێت.
د. جه‌بار قادر له په‌یجى خۆى له فه‌یسبووك نووسیویه‌تى، " لە ماوەی دوو سەدەی تەواودا ( 1787 - 1986) لە دونیا 2677 کتێب بەزمانی کوردی بڵاوبوونەتەوە، ئێستا لە باشووری کوردستان ساڵانە پێنج هەزار ناونیشان لە چاپ دەدرێن، واتا دوو بەرابەری ئەوەی لەو دوو سەد ساڵەدا لە چاپدراون"