هونەرمەند دەشتی كەڵهوڕی نوێترین بەرهەمی خۆی بڵاو كردەوە و پێشكەشی كەلار و گەرمیانی كرد.
دەشتی كەڵهوڕی رای گەیاند، نوێترین بەرهەمی خۆی بە ناوی "كەلار" بڵاو كردووەتەوە و وەك دیارییەكیش پێشكەشی كەلار و ناوچەی گەرمیانی دەكات.
دەشڵێت "كارێك كە تێیدا بە ئاواز و مەقامی گەرمیانی، سۆزی خۆم بۆ ئەم خاكە دەردەبڕم، لە بەشی كۆتایی ئەم بەرهەمەدا، وەسیەتنامەیەك بە مەقام دەچڕم كە گوزارشتە لە قووڵایی خەم و شكۆی ئەم شارە".
ئاوازی گۆرانییەكە لەلایەن هونەرمەند خۆیەوە دانراوە، موزیك و دابەشكردنەكەشی ئەمیر جەباریان ئەنجامی داوە و هۆنراوەكەشی لە نووسینی ئەكرەم هەواسە.
دەشتی كەڵهوڕی گۆرانیبێژێكی دیاری كوردە و لە كەركووك لە دایك بووە، بەڵام خۆی لە كەلار ژیاوە.