گەنجێکی ئەمەریکی لە ویلایەتی فلۆریدا، بە ناوی زین گاریتی تەمەن 26 ساڵ، بە تۆمەتی دڵڕەقی بەرانبەر ئاژەڵان گیرا، ئەمەیش دوای ئەوەی بە چەقۆ هێرشی کردە سەر قرشێک.
بەگوێرەی هەواڵێکى ڕۆژنامەی "
نیویۆرک پۆست"، ڕووداوەکە کاتێک بووە، قرشەکە ماسییەکی ڕاوکراوی لە گاریت دزیوە. ئەویش وەک تۆڵەکردنەوەیەک، دوای قرشەکە کەوتووە و چەند جارێک بە چەقۆ برینداری کردووە.
لێکۆڵینەوەکان دەریان خستووە، ئەو گەنجە مۆڵەتی لێخوڕینی بەلەمی نەبووە. دەسەڵاتداران کارەکەیان بە "نایاسایی و دڕندانە" ناوبردووە، چونکە قرشەکان بەپێی یاساکانی پاراستنی ژیانی دەریایی لە فلۆریدا پارێزراون.
دوای ئەوەی چەند کەسێک شایەدییان لەبارەى ڕووداوەکە بە لایەنە پێوەندارەکان ڕاگەیاند، دەستبەجێ دەست بەسەر بەلەمەکەیدا گیرا و ڕووبەڕووی یاسا کرایەوە.