كوڕەكەی دۆناڵد ترەمپ سەرۆكی ئەمەریكا دوێنێ رای گەیاند، داواكاریی زۆر لەسەر ئەو ڤۆدكایە هەیە كە بەناوی "ترەمپ"ی بازرگانیی لەسەرە، نرخەكەیشی 47 دۆلارە كە دەكاتە 67 هەزار دیناری عێراقی.
پێگەی "شەفەق نیوز" كە هەواڵەكەی لە "ئێكس" وەرگرتووە و ئیریك ترەمپ كوڕی ترەمپ لەوێ بڵاوی كردووەتەوە و دەڵێت، دڵخۆشم كە ڤۆدكای ترەمپ رابگەیەنم كە ئێستە ئامادەیە بۆ فرۆشتن. ڤۆدكاكە بەناوی "ترەمپ" كەوتووەتە بازاڕ.
زیاتر روونی كردووەتەوە كە هەر بوتڵێكی ڤۆدكاكە بڕی 750 ملمی تێدایە و نرخەكەیشی بە 47 دۆلارە، دەكاتە 67 هەزار و 616 دیناری عێراقی، ئەویش لە رێگەی پێگەی ئەلیكترۆنی نمایش كراوە.
باس لەوە دەكرێ نرخی ئەو ڤۆدكایە كە 47 دۆلارە، ئاماژەیە بۆ ئەوەی ئێستە ترەمپ 47مینی سەرۆكی ئەمەریكایە، لە خولی یەكەمیدا 45مینی سەرۆكی ئەو وڵاتە بووە.
دواتریش باس لەوە دەكرێ ،دۆناڵد ترەمپ سەرۆكی ئەمەریكا كە یەك لە بازرگانە دیارەكانی دنیایە و هاوكات لە ملیاردێرە ناودارەكانی ئەمەریكایە، لە رێگەی ئەو كەرەستانەی بەناوی خۆیەوە دەیانخاتە بازاڕەوە، ملیۆنان دۆلاری دەست كەوتووە، جیا لە ڤۆدكای ترەمپ، هاوكات پێڵاوی وەرزشیی ترەمپ و هەروەها كاتژمێری ترەمپ.