دوای چاوەڕوانییەكی زۆر، دواجار نیسان پەردەی لەسەر ئۆتۆمبێلی تەواو نوێی 2026 ناڤارا لادا، ئەو پیكاپە بۆ ماوەیەكی زۆر بە هێمای توندی و متمانەپێكراوی دادەنرێت.
كۆمپانیای نیسان پەردەی لەسەر
ئۆتۆمبێلی جۆری ناڤارا لادا، لە یەكەم نیگادا ناڤارا نوێیەكە بە دیزاینە نوێكراوەكەی كە هێز و ڕەنگینیی تێكەڵ دەكات، شەڕانگێزتر دەردەكەوێت، لە لایتەكانی ڕووناكی نوێی LED سوودی لێ وەرگیراوە، بەڵام چاودێرانی بواری دیزاینی ئۆتۆمبێل ئاماژە بە لێكچوونێكی دەكەن لەگەڵ مۆدێلە ڕكابەرەكانی وەك فۆرد ڕەنجەر و تۆیۆتا هایلۆكس، ئەمەش پرسیارەكان دەورووژێنێت كە تا چەند ناسنامەی ناڤارا نوێیەكە بەڕاستی ناوازەیە.
لەبارەی ناوەوەش كۆمپانیا دەڵێت، بێدەنگی و ئارامیت پێ دەبەخشێت لە ژاوەژاوی دەرەوە، كۆمپانیای نیسان كەرەستەی نەرمتر و باشتركردنی كورسییەكانی بەكار هێناوە بۆ بەرزكردنەوەی ئاسوودەیی سەرنشینەكان لە كاتی گەشتە دوورەكاندا، بەڵام شوێنی قاچەكانی دواوە بە بەراورد بە هەندێك لە ڕكابەرەكانی، سنووردار دەمێنێتەوە، بەتایبەتی كاتێك پیكاپەكە وەك ئۆتۆمبێلێكی خێزانیی فرە مەبەست بەكار دەهێنرێت.
ناڤارا 2026 بزوێنەرێكی 2.5 لیتری تۆربۆی هەیە، هێزەكەی كە نزیكەی 210 ئەسپە، لەگەڵ گێڕێكی ئۆتۆماتیكی حەوت نمرەیی، لە كاتێكدا ئەمە نوێنەرایەتیی باشتربوون دەكات بە بەراورد بە نەوەی پێشوو، بەڵام كاراییەكەی هێشتا كورتە بە بەراورد بەو ڕكابەرانەی كە بزوێنەری V6 یان دوو تۆربۆی كە بەهێزتر خۆیان پێشان دەدەن.
سیستمی نوێی لێخوڕینی بۆ دانراوە، چەندان شێوازی لێخوڕینی هەیە لەوانە "ئۆفڕۆد" و "ئیكۆ"، بەڵام بەپێداچوونەوە سەرەتاییەكانی، هەندێك لە پسپۆڕان ئاماژە بەوە دەكەن دەبڵ ئەكسڵەكەی بە سستی دەمێنێتەوە.
كۆمپانیای نیسان دەڵێت، بۆ ئەوانەی بەدوای پیكاپێكدا دەگەڕێن كە هاوسەنگی لە نێوان هێز و ئاسوودەییدا هەبێت، هەڵبژاردنێكی ئەقڵانییە، بەڵام ئەوانەی بەدوای نمایشێكی ناوازە یان كارەكتەری جیاوازدا دەگەڕێن، لەوانەیە خۆیان ببیننەوە كە لە ناڤارا دوورتر دەڕوانن.