پشتی هاتنا پێلێن زور یێن بەفرێ ل سنورێ پارێزگەها دهوکێ، رێژەیەا زور یا کەوا ل باکورێ کوردستانێ هاتنە دەڤەرێن پارێزگەها دهوکێ، حەلک ژی دچن دکوژن، د نوکە دا سزایێن توند بۆ وان کەسان هاتنە دیارکرن یێن چنە کەوا.
رێبەر سادق، رێڤەبەرێ ناحیا دێرەلۆکێ دیارکر کو ژبەر بارینا بەفرەکا زۆر ل دەڤەرێن چیا، هژمارەکا زور یا گیانەوەرێن کێڤی ب تایبەت کەو ب بەر دەڤەرێن ئاڤەدانێن پارێزگەها دهۆکێ و دێرەلوکێ ب تایبەتی هاتینە، مخابن دیاردەیا نێچیرکرنا نەیاسایی ژلایێ وەلاتیان سەرهلدایە، ئەڤ کارە نە تنێ زیانێ دگەهینتە سروشتێ، بەلکو کارەکێ نەمرۆڤانە و دویرە ژ رەوشتێن جڤاکی.
زێدەتر گۆت، داخوازێ ژ خەلکی دکەین کو خۆ دویر بگرن ژ هەر جۆرە نێچیرەکێ، دا کو ئەڤ سامانێ سروشتی بهێتە پاراستن و هاریکار بن دگەل لایەنێن پەیوەندیدار بۆ پاراستنا ژینگێ و ئەمنیەتێ، بەروڤاژی دێ پێرابوونێن یاسایی هێنە وەرگرتن بۆ هەر کەسێ ب کارێ نێچیرێ.
ب گورەی زانیاریان بۆ گرتن و کوشتنا هەر کەوەکێ 150 هزار دینار هاتیە دیارکرن و ب شەڤ ژی هژمارەکا هەرە زور یا وەڵاتیان دچنە کەوا.
ژبلی دەڤەرا ئامێدیێ، هەڤدەم ل دەڤەرا باتیفا و دینارتە ژی کەو زور هاتیە خوارێ و خەلک دچنێ.
کەو ئێکە ژ بالندەیێن جوان و دەنگ خوش، پتریا وان دکەڤنە دەڤەرێن سنوری و ناڤا چیا، پشتی هاتنا پێلێن مەزن یێن بەفێێ ل دەڤەڕێن چایی، کەوا خۆ نێریکێ جهێن ئاڤەدانی و مروڤان کریە. داک ژ برسا نەمرن.
پارێزگارێ دهۆکێ دیارکر کو کەوا و ئاژەلێن کوڤی واڕێن خو بجههێلاێنە و قەستا نێریک مروڤان کریە و شونا خەلک بچن بگڕن و بکوژن، باشترە خوارنێ بدەنێ و هاریکاریا وان بکەن.