تەلیگرام دۆخی خراپە

ماڵپەڕی downdetect كە تایبەتە بە چاودێریكردنی پچڕانی ئینتەرنێت بڵاوی كردەوە، بەكارهێنەرانی چەند وڵاتێكی دنیا كێشەیان لە تەلیگرامدا ڕاگەیاندووە.

بەپێی ئەو پێگەیە، لە چەند سەعاتی ڕابردوودا زیاتر لە دوو هەزار و 400 سكاڵا تۆماركراوە، لە ماوەی 24 سەعاتی ڕابردوویشدا زیاتر لە پێنج هەزار و 300 سكاڵا تۆماركراوە. زۆربەی سكاڵاكان لە ڕووسیا سەرچاوەیان گرتووە و زیاتر لە یەك لەسەر سێی سكاڵاكان، ئاماژەن بۆ تێكچوونی كاركردنی تەلیگرام، لە %31 باسیان لە كێشەی ئاگاداركردنەوەكان كردووە لە ئەپەكەدا، هەروەها لە %27 باسیان لە كارایی خراپی ئەپڵیكەیشنی مۆبایلەكە كردووە.

هەروەها دەزگاكانی ڕاگەیاندنی ڕووسیا ئاماژەیان بەوە كردووە، بەكارهێنەران لە ڕووسیا لە ڕۆژی چوارشەمەوە دەستیان كردووە بە كشانەوە لەو ئەپە.