پۆلیسی سلێمانی بڵاوی كردەوە، مەفرەزەكانی نووسینگەی نەهێشتنی تاوانی كوردسات، تۆمەتبارێكیان گرت كە دزی لە (ماركێتێك) كردبوو.
پۆلیس بڵاوی كردەوە، دوای ئەوەی هاووڵاتییەك لە نووسینگەی نەهێشتنی تاوانی كوردسات، سكاڵای تۆمار كرد كە لە ماركێتەكەی پارەی لێ دزراوە، بڕیاری دادوەری تایبەتمەند بۆ دۆسیەكە وەرگیراو هێزەكانی پۆلیس لێكۆڵینەوەكانیان دەست پێ كرد، سەرەنجام و دوای گەیشتنە ئەنجامی لێكۆڵینەوەكان، توانرا تۆمەتبار بدۆزرێتەوە و لەلایەن مەفرەزەكانی نووسینگەی نەهێشتنی تاوانی كوردساتەوە بگیرێت.
هەروەها ئاماژە بۆ ئەوە كراوە، تۆمەتبار (م،ع،ن) لەدایكبووی 1969یە و پێشینەی تاوانی هەیە، بە ڕەگەزنامە ئێرانییە، ددانی بەتاوانەكەیدا ناوە و ئێستە بە بڕیاری دادوەری تایبەتمەند و بەپێی مادەی 443 لە یاسای سزادان ڕاگیراوە.