ب مەرەما پشتەڤانیکرنا گەنجان و کێمکرنا مەزاختنێن دارایی ل سەر ملێن وان، بریارە هژمارەکا شەهیانێن ب کوم ل دەڤەرێن جودایێن پارێزگەها دهوکێ بهێنەکرن.
ژێدەرەکێ ل پارتی بو "وشە" دیارکر کو بۆ سالا دوویێ ل سەر راسپاردێن فەرماندە مەنسور بارزانی، لقێن جودایێن پارتی ل پارێزگەها دهۆکێ دێ شەهیانێن ب کوم بۆ گەنجان ئەنجام دەت و گوت، ئەڤ شەهیانە ب هەلکەفتا سالروژا دامەزراندنا پارتی و ل روژانێن 16-8 دێ هێنەکرن بۆ هەر بوک و زاڤایەکێ کو شیانێن وان یێن دارایی لاواز بن و نەشێت داوەتا خۆ بکەت.
زێدەتر گوت، مەزاختنێن داوەتێ هەموو ل گەل کوژمەکێ پارەیی وەکو دیاری دەنە هەر بوک و زاڤایەکێ، ئەڤ شەهیانە دێ ل دهوک، زاخۆ، ئاکرێ، شێخان، بەردەڕەش، سێمێل و ئامێدیێ هێنەکرن، هەر ئێک ژ وان دەڤەران دێ هژمارەکا گەنجان ب رێیا تیروپشک شەهیانێن خۆ درێورسمەکێ دا ب بەرهەڤبونا کەسوکارێن وان هێنەکرن.
سالا بوری ژی پتری 600 بوک و زاڤا شەهیانێن ب کوم دا هاریکاری لسەر وان هاتنە دابەشکرن و شەهیانێن وان هاتنەکرن.