دامەزراوەكانی ئەنجوومەنی ئاسایشی هەرێمی كوردستان دەیان كەس بە تۆمەتی فرۆشتنی مادەهۆشبەرەكان كە ژمارەیەكیان بازرگانی بیانی و نێودەوڵەتین و دەیان كەسی تریش بە تۆمەتی بەكارهێنانی مادەهۆشبەرەكان گرت و دەست بەسەر بڕێكی زۆر مادەی هۆشبەری جۆراوجۆردا دەگرن.
لە راگەیەنراوێكدا، ئەنجوومەنی ئاسایشی هەرێمی كوردستان رای گەیاند،لە هەوڵە بەردەوامەكانی ئەنجوومەنی ئاسایشی هەرێمی كوردستان لەپێناو سەقامگیریی كۆمەڵایەتی و بەرەنگاربوونەوەی مادە هۆشبەرەكان و بونیاتنانی كۆمەڵگەیەكی تەندروست.لە ڕێكەوتی 1ـی حوزەیرانی 2025 تا 23ـی كانوونی یەكەمی 2025، لەلایەن بەڕێوەبەرایەتی نەهێشتنی ماددە هۆشبەرەكان سەر بە بەڕێوەبەرایەتی گشتیی ئاسایش بە هاوكاری و هەماهەنگی بەڕێوەبەرایەتییەكانی تر، توانرا دەیان كەس بە تۆمەتی كڕین و فرۆشتنی ماددە هۆشبەرەكان كە ژمارەیەكیان بازرگانی بیانی و نێودەوڵەتین و دەیان كەسی دیكەش بە تۆمەتی بەكارهێنانی ماددە هۆشبەرەكان بگیرێن.
ئەنجوومەنی ئاسایشی هەرێمی كوردستان ئاماژەی بۆ ئەوە كردووە كە سەرجەم تۆمەتبارانی گیراون و پەڕاوی لێكۆڵینەوەیان بۆ كراوەتەوە و ڕەوانەی بەردەم دادوەر كراون.
ئەنجوومەنی ئاسایشی هەرێمی كوردستان وردەكاریی بڕەكان كە لەلایەن ئەفسەرەكەوە بڵاو كردووەتەوە كە بەم شێوەی خوارەوەیە:
167 كیلۆ و 157 گرام مادەی ماریجوانا.
193 كیلۆ و 681 گرام مادەی كریستاڵ.
56 كیلۆ و 627 گرام مادەی هیرۆین.
25 كیلۆ و 301 گرام مادەی حەشیش.
14 كیلۆ و 450 گرام مادەی تلیاك.
13 كیلۆ و 668 گرام مادەی كۆكاین.
201 كیلۆ و 180 گرام حەبی هۆشبەری جۆری كاپتاگۆن (كە لەناو قوماش حەشار درابوو).
6000 دانە دەرزی هۆشبەر لە جۆری ئیفیدرێن.
3253 شیت حەبی هۆشبەر لە جۆری ترامادۆڵ.