سەرچاوەیەكی تەناهی لە پارێزگای بەسرەی باشووری عێراق ئەمڕۆ رای گەیاند، ئافرەتێك لە ناوەندی شاری بەسرە و لە ناو ماڵەكەی خۆیدا، خۆی خنكاندووە و گیانی لە دەست داوە.
پێگەی "
شەفەق نیوز" ئەمڕۆ یەكشەم 11ی كانوونی دووەم بڵاوی كردووەتەوە، بەپێی گوتەی سەرچاوە تەناهییەكە، شەوی رابردوو ئافرەتێك لەناو ماڵەكەی لە ناوەندی شاری بەسرەی باشووری عێراق، خۆی هەڵواسیوە و گیانی لە دەست داوە. باس لەوە دەكرێ كە هۆكاری خۆكوشتنەكە كێشەی خێزانی بووە.
سەرچاوەكە ئەوەشی گوت، ئەو ئافرەتی خۆی كوشتووە تەمەنی 18 ساڵە و لە ژوورێكی ماڵەكەیان لە رێگەی گوریسەوە خۆی خنكاندووە.
باس لەوەش دەكات كە هێزێكی تەناهی گەیشتوونەتە ماڵەكە و تەرمەكەیان بۆ پزیشكی داد گواستووەتەوە. بەبێ روونكردنەوەی زانیاریی زیاتر، تەنیا گوتی لێكۆڵینەوەی زیاتر لە رووداوەكە دەكرێت.
دۆخی خراپی دەروونی و تەناهی و ئابووری لەلایەك و دواكەوتوویی بەشێكی زۆری كۆمەڵگە و هاوكات داونەریتە كۆمەڵایەتییەكان لەلایەكی تر، هۆكارگەلێكن بۆ دیاردەی خۆكوشتن لە عێراقدا، بۆیە خۆكوشتن لەو وڵاتە بووەتە دیاردە و بەتایبەتی بەغدا زۆرترین ژمارەی ئەو رووداوانەی تێدا روو دەدەن، بەڵام بەراورد بە هەرێمی كوردستان، ئەو رووداوانە زۆر كەم بوونەتەوە و لە ئاستی دەگمەندایە.